أول شي كل عام وانتم بخير ،،،،،،
قبل أيام طلت علينا قناة فضائية جديدة وهي قناة السور لصاحبها السيد/ محمد الجويهل طبعا هو غني عن التعريف، وبالرغم من أني حالي حال الناس ما أعرف هذا الشخص الا في الانتخابات لمجلس الأمة (مادري أي سنة وايد يحلونه المجلس في الفترة الأخيرة) عندما تم شطبه أول مره، المهم هذا الشخص بدأ يكون له شعبية بطريقة عجيبة في البداية قلت بنفسي يمكن طفرة مثل بعض المرشحين اللي طلعوا وكانوا بمثابة تسلية للناس بإلقاء بعض النكت في مقراتهم الانتخابية وفي النهاية يطلع بصوت أو صوتين، قلت أروح اسمع له وأتسلى أحسن من الباجي اللي يطرحون قضاية للدعاية واللعب بمشاعر الناس، ولما سمعت كلامه قلت في نفسي ان هالانسان موداخل الانتخابات يلعب، وفعلا صدق احساسي لقيته يتطرق حق مواضيع عده فعلا تهمني كمواطن، وبدأ يكشف حقائق ويزيل بعض الأقنعه عن بعض الوجوه، نعم انا معارض له في اسلوب طرحه لبعض القضايا لكن لايمنع أن يكون هذا الانسان على حق.
قضية البدون – قضية القروض – قضية توحيد الجنسية – وقضايا كثيرة كلها كانت على طاولة مجلس الامة من زمان ومحد تحرك لها من الاعضاء، كانوا يستخدمونها ايام الانتخابات لدغدغة المشاعر، لكن خلونا نشوف هذه القضايا بعين أخوكم الفيلكاوي.
قضية البدون وقضية توحيد الجنسية:
البدون من هم ؟........ من وين طلعوا ؟ .......من الغير معقول مايعرفون اصولهم!
هناك من هذه الفئة تستحق الجنسية وتستحق المادة الأولى بعد، وهؤلاء معروفين لأن يا عندهم أهل كويتيين ومعروفين بالبلد أو انه ابوهم أو جدهم توفى قبل الجنسية وكانوا صغار وماعندهم معين أو من الناس اللي رفضوا الجنسية في البداية وهذي الشغلة أغلب أجدادنا سووها كانوا يقولون احنا كويتيين معروفين اشلون ورقه تحدد مصيرنا، وهذا كان جهل في أهمية المستندات والدور اللي تلعبه بالمستقبل، وأعتقد ان هؤلاء نحلت مشكلتهم من زمان.
أما النوع الثاني من البدون واللي خرب على النوع الأول فهؤلاء اللي يبيلهم قطع رقاب، أولا قسم ياينا من الشمال وبعضهم دخل علينا أيام الغزو وخاف يرجع وقغد هني وان سألته قال لك: (والله آني كويتي بس أبويه ما أخذ اجنسية، أومات قبل لا ينطونا الجنسية)، وتشوف اييد أمه تقول ميمة الكلفس، اما القسم الثاني فهذا أخطر لأنه لاف على نص دول الخليج وماخذ الجنسية عندهم ويبي يكمل دول مجلس التعاون بحصوله على الجنسية الكويتية، وبعضهم ما اكتفى بالجناسي الخليجية لا عنده من دول الشام بعد، حبايبي ترا الجنسية الكويتية عزيزة مو أي واحد يتشرف ويحطها بمخباته، وللأسف حصل عليها البعض باستخدام طرق ملتوية، والا من متى عندنا كويتي لي كلمك قال لك: (هاظوله أهلي والا هاظولاك عيالي وعددهم ثلطعش ولد)، ماعندنا أحد يتكلم جذي ولين تنبش وراه تلقى عنده اثباتات غير الاثباتات الكويتية، خاشهم اذا خلص من استنزاف البلد وشاف ماكو فايده راح ديرة ثانية وقدم ولاءه لها (والغزو خير مثال، لما لقينا الجناسي مقطوطه بدرام الزبالة يكرم السامع)، بس المشكلة موهني وبس المشكله انه هؤلاء الدخلاء موبس حصلوا على الجنسية وحمدوا ربهم، لا يبون يتمكنون من البلد علشان يضمنون انهم يمصون خيرها كله، فقاموا يرشحون نفسهم في المجلس البلدي ومجلس الأمة ويطالبون بحقوق ومن ضمن المطالبات توحيد الجنسية يعني مافي أولى وثانية (حامض على بوزكم) وهذه بداية يندمجون فيها مع السكان الاصليين ووصلت فيهم انهم حاولوا تغيير التاريخ لمحو بعض الحقائق، عرفتوا ليش قلت لكم هؤلاء أخطر، والمشكلة انه يدعون حبهم وخوفهم على البلد وولائهم لبلد آخر.
أنا من أول ما انولدت عرفت من أبوي اللي تعلمه من جدي انه البلد هذي مافيها الا أمير واحد بس وهو بن صباح وحبنا وولاءنا لهذه الأرض وماعندنا أمير العايلة أو أمير القبيلة أو أمير الفريج أو غيره، لذلك من هنا بدأ الأخ / محمد الجويهل بكشف حقيقة هذه الأشكال الدخيلة علينا فأنا معاه في هذا الأمر قلبا وقالبا، لأن هؤلاء بدأوا يتمادون، فما ينفع معاهم الا المواجه بأسلوب الجويهل ( يقطها بويهم وعلني).
هذي كانت سالفتي اللي ماراح تخلص وراح نتكلم بمواضيع أخرى وراح نرجع لهالموضوع من فترة ليه لفترة حتى ننظف كويتنا من الاشكال هذي.
ليست هناك تعليقات:
إرسال تعليق