الفيلكاوي..........Failakawi

السلام عليكم ..... الكل تابع مباراة منتخبنا مع المنتخب الكوري الجنوبي يوم الثلاثاء 6 سبتمبر واللي انتهت بتعادل الفريقين 1:1 ، انا ماراح اتكلم عن المباراة ولا عن ظلم الحكم لكن قبل كم يوم وصلتني رسالة فيها صورتين للجمهور الكويتي والكوري وكان عنوان الرسالة انظر ماذا فعل الجمهور الكوري بعد المباراة . وانا راح اعرض لكم الصورتين واترك التعليق لكم . الجمهور الكوري بعد المباراة قاموا بتنظيف اماكنهم أما الجمهور الكويتي أصحاب الارض هذي سالفتي واترك لكم التعليق

في لفتة كريمة دعا نائب رئيس مجلس الوزراء ووزير الخارجية الشيخ د. محمد صباح السالم الصباح ، أهالي جزيرة فيلكا الى غبقة وذلك يوم الاربعاء الموافق 17/08/2011 وأتوجه الى معالي الشيخ بالشكر الجزيل على هذه الغبقة لأنه جمعنا بأهلنا واصدقائنا اللي من زمان ما شفناهم الا بالمناسبات وهذه البادرة ليست غريبة على معاليه ، وان شاء الله تكون عادة ماتنقطع في هذا الشهر الفضيل.

أبي تصويتكم حق فلمي مشارك في فيفا اسم الفلم على الموقع : www.vivapassions.com بعدين تختار الأفلام وتلاقون فلمي : my dream car سجلوا بأرقام الموبايل وبعدين اختار عدد النجوم Please vote for my movie in viva www.vivapassions.com Than choose viva upload & you will find my movie : my dream car Just register with your mobile, than choose the rating star

سالفتي اليوم ماكان ودي أكتب عنها.....بس المهم أنا نولدت في منطقة الرميثية وعشت فيها، درست بروضة النيل مع باجي عيال المنطقة وبعدين الشهداء وخلال الفترة هذي كنت اشوف بعض ربعي يغيبون يوم عاشوراء سالتهم ليش تغيبون قالولي لان نروح الحسينية، قلت حق ابوي اشمعنا ربعي يغيبون وانا لا؟ حتى انا ابي اغيب، ما قال لي شي وسمح لي حالي حال ربعي ما قال لي لا!! هذيلة شيعة واحنا سنة، ما كان في فرق وماكنا نحس بفرق وربعي نفس الطريقة، مجموعة أصدقاء على قلب واحد عمرنا ما انتبهنا انه في بيننا شيعي وسني كنا ربع بمعنى الكلمة كانت المساجد في المنطقة في نظرنا مساجد بيوت الله وكنا ندخل ونصلي فيها مافكرنا اذا كنا دخلنا مسجد للشيعة أو مسجد للسنة حتى الكبار من أهل المنطقة لما يشفونه نصلي ما يقولون لنا شي، هذا اللي تربينا عليه أنا وربعي  واحنا مثال حق ربع وايد غيرنا تربوا على نفس الطريقة ما كان في بينا هذه الحساسية اللي قاعدين نشوفها هالأيام انت شيعي وانت سني وانت حضري وانت بدوي وانت وانت والله لو كان بينا واحد يهودي ماحسينا فيه لان احنا كنا نرافج الشخص لأخلاقه مو أصله ومذهبه، ليش تغير ال...

من 2300 دينار الى 5750 دينار زيادة رواتب أعضاء مجلس الأمة، يستاهلون ليش لا ، اهم اقعدوا خمسين جلسة عشان يعارضون زيادة الخمسين دينار للمواطن، وبعضهم اعترض بقوة على المكرمة الأميرية 1000 لكل كويتي ، وصرحوا وقالوا لا تدلعون المواطن وتلعبون بالمال العام بدنا نعمر البلاد مابصير هيك تعطون المواطن الكوايتي 1000 دينار، كان من الأفضل نتبرع لبيروت، وغيرها من القرارات اللي تحدد مصير المواطن الكويتي من اسقاط القروض وزيادات 50 دينار و 120 دينار كانوا عشان  يقرونها يشيلون ويشدخون بالجلسات سؤالي لنواب التأزيم المحافظين والمدافعين عن المال العام ليش ما سمعنا أصواتكم بمعارضة قرار الزيادة ؟ 5750 - 2300 = 3450 دينار زيادة على رواتبكم واحنا 50 دينار بالحسرة علينا لا واللي معاشه 1000 وفوق ما يستحق الخمسين. سمعني رايك يا أحمد السعدون وين حنجرتك الذهبية يا ضمير الأمة مسلم البراك وشو رايك يا رولا محرزة ولا مو محرزة   النائب الفدائي نصير الكضية وليد الطبطبائي حلوة الزيادة تشتري يخت وتروح فلسطين النائب فيصل المسلم انت بمصادرك راح يوصلك صورة عن كشف حسابات الاعضاء في البنوك عشان تأكد لهم انه ال...

أول شي الحمدالله على سلامتكم بعد العاصفة الرملية. وعدت بان أكتب موضوع في مقالي السابق ولكن الموضوع تغير بعد أن وصلتني رسالة عن مدرس يضرب الطلبة ويشتمهم، دخلت على الرابط ولكن لقيت ان المقطع محذوف ومادري شنو السبب، سالت صديقي وبعد فترة ارسل لي رابط ثاني شاهدت المقطع ولما حاولت افتح الرابط حق واحد من الأهل تفاجات بان المقطع محذوف، المهم وصلني اليوم رابط أخر والحمدلله قدرت أشوفه وحفظته عندي، وانا الحين اعرضه في المدونة عندي ولن أقوم بإزالته الى بعد ما أسمع بأن هؤلاء الطلبه خذوا حقهم. اترككم مع المقطع بصراحة مادري شنو أقول أو أعلق، كلنا درسنا في المدارس ومدرسينا كانوا كويتيين ووافدين، وايامنا كان الضرب مسموح لكن بالرغم من هذا ما واجهنا مدرس مستوى أخلاقه مثل اللي شفناه، المدرسين أيامنا كانوا يطقونا ولكن كنا نحبهم لأنهم كانوا يطقونا مثل ما يطق الأبو عياله والأبو لايمكن يأذي عياله، لكن الطق اللي شفته بالمقطع ما كان ضرب تأديبي وانما كان حقد والدليل على ذلك انه هذا الحقير كان يسب الطلبة واهلهم، اشلون .....والله ماني قادر اختار كلام يعبر عن اللي قلبي تجاه هذا ال.....اللي يدعي انه مدرس ...

كثير من الناس والقراء يسألني عن سبب صمتي وعدم الكتابة حتى ولو بتعليق على الاحداث اللي صارت من آخر يناير والى يومنا هذا، بصراحة انا كنت منصدم من كثرة الاحداث والتغيرات اللي صارت بشكل سريع ، واول مره أشوف نفسي ماني عارف شنو أكتب ، هل أكتب عن أحداث تونس ولا اللي صار بمصر واليمن والا قاعد يصير بالبحرين وليبيا ؟ والا أكتب عن فرحتنا باحتفالات العيد الوطني ال50 وعيد التحرير ال 20 وعيد جلوس أبونا الشيخ صباح ال5 . الى هذي اللحظة وانا ماني عارف شنو أكتب . راح أكتب باختصار وشنو يطلع ببالي راح اكتبه لكن في كلمة عجبتني سمعتها من 20 سنة يعني ببداية الغزو على العراقي على دولتنا الحبيبة والطريف بالأمر ان اللي قايل هذه الكلمة اهو الديكاتوري المقبور صدام حسين ( قالوها خذوا الحكمة من أفواه المجانين) الكلمة اهي : لايوجد حكومة بالعالم تستطيع سحق إرادة شعب طبعا أول تطبيق لهذه الكلمة كان عليه اهو لما صارت حرب تحرير العراق واستطاع الشعب يقول كلمته ، بعدين شفتها بتونس وبدأت باليمن، وبعدين انتقلت بمصر وودي أوقف شوي عند مصر لما بدات الأحداث في مصر كلنا تفاعلنا معاها لان مصر من الدول اللي تربطنا فيها ككويتي...