قبل الانتخابات الأخيرة واللي كانت اهتمام كل الشعب الكويتي، ومن بين المرشحين كان النائب نبيل الفضل ، نبيل الفضل عرفناه ككاتب في جريده الوطن قبل أن يكون نائب للأمة وجميعنا نعرف مقالاته اللي تعور سواء كنا مؤيدين لها أو معارضين، عندما أعلن عن ترشيحه لخوض انتخابات مجلس الأمة قال كلمته الشهير ة راح انتف ريشهم، هذا الشخص من خلال متابعتي له في ندواته ورغم الضجة اللي صارت في مهاجمته والطعن في أخلاقه والاستهزاء في الكلام اللي يقوله أثناء حملته الانتخابية، انا مو قاعد أدافع عن النائب نبيل الفضل لأنه ما يحتاج اهو يعرف اشلون يرد، لكن خلون نقارن بينه وبين اللي بعض النواب الآخرين في نواب أثناء حملتهم ووعدونا وأقسموا انهم راح يعملون لمصلحة البلد والمواطنين وأعطونا من الوعود لدرجة حطوا القمر بيد والشمس بالاييد الثانية، ولما يوصلون ما نشوف شي غير تنفيعهم لأنفسهم ولأهلهم وبعض الأقارب، نبيل الفضل ما قال راح اسقط القروض ماقال راح اسويلكم كذا وكذا فقط قال بنتف ريش، وفعلا كان الرجل عند كلمته بدأ بنتف الريش وأول ضحاياه النائب المخضرم وليد الطبطبائي اللي أقسم على حماية المال العام وكان يتهم سمو الشيخ ناصر بالسرقة والتلاعب ويطالب برحيله، وين ردك ووين قسمك يانائب يافاضل أين حمايتك للمال العام، وهل اللي سويته بتعيين أهلك في سكرتارية المجلس يعتبر عمل يرضي رب العالمين تشغلهم سكرتارية عندك ومايدامون هل راتبهم حلال انا كلامي لي هني وخلص بس اترككم مع صورة وصلتني عن طريق الواتس أب والحكم لكم.
وشوفوا هذا الفيديو
وفي النهاية الأخ النائب نبيل الفضل، بالرغم من معارضتي لك في بعض الأمور الا انني اتفق معك في حب الكويت، كل ما استطيع قوله لك يعطيك العافية وعساك على القوة والله يكثر من أمثالك، تستاهل التحية.
ليست هناك تعليقات:
إرسال تعليق