الأسد يمرض لكن ما يموت





كلنا تابعنا في اليومين الماضيين ماحدث للمواطن الاسد محمد الجويهل، كنت كاتب مقالة لكنها مسحت بسبب الطرثوث اللي اخترق الموقع وكان عنوانها اليوم قناة سكوب من التالي وكانت تتحدث بصورة عامة على الاشخاص اللذين يقومون باخذ مايسمونه حقهم بذراعهم، ما حصل للجويهل لايمكن أن نقول هذا صار بالكويت وما لا يصدقه العقل انه صار من نواب يمثلون الامة وفي بيت نائب كان في يوم من الايام رئيس مجلس الامة ويعتبر اكبر سنا من معظم الاعضاء يعني لازم يكون قدوة، كون لنفسه صورة حبوها كل الكويتيين خصوصا لما كان يدافع بكل بسالة عن حقوق الكويتيين امام رئيس البرلمان العراقي، لكن هدم كل اللي بناه وكل تعب السنين الطويلة بلحظة تحالفه بالأخ ضمير الأمة صاحب الحنجرة الذهبية نصير الطراثيث وانضم معهم بقية النواب ابطال الاستجوابات، كل هؤلاء من يدعون انهم حماة الدستور ويخافون على مصلحة الشعب والوطن اهم في الحقيقة يعملون بكل أوتوا من جهد لمصالحهم الشخصية وللمحافظة على كرسي المجلس ومحتفظين بالحصانة البرلمانية اعتقادا منهم انهم يكونون فوق القانون ويقدرون يسوون اي شي يبونه يخدم مصلحتهم، ولعلمهم الاكيد بأن أبناء الكويت الشرفاء اللي ولاءهم للكويت فقط ولا لغيرها ماطوف عليهم غزعبلاتهم اللي يسوونها فمن واجبهم المحافظة على الطراثيث مزدوجين الجنسية لان هؤلاء الطراثيث هم من يصوتون مقابل المادة وماله شغل بالوطن وبالكويت تدرون ليش لان لما تروح الكويت يطلع جنسيته الثانية مثل ما صار سنة 90 لما صار الغزو كل الطراثيث قطو جناسيهم بالزبالة وطلعوا جناسيهم الثانية وكل من راح حق ديرته ولما سمعوا انه سفارات الكويت تصرف معاشات حق الكويتيين أيام الغزو هم راحوا وخذوا المعاشات لا وفي ناس سجلوا نفسهم بأكثر من دولة تبون أكثر من جذي نفس دنية أزيدكم من الشعر بيت لما أمير القلوب رحمة الله عليه أمر بصرف 500 دينار للكويتيين الموجودين بالداخل بعد التحرير دخلوا وكل رب أسرة دخل الديرة ومعاه البطايق المدنية حق اهله وادعى انه كان موجود داخل الكويت أثناء الغزو، ادري انه أغلبكم يدرون بهذا بس انا ذكرته من باب التذكير، الحين صارلنا 20 سنة من الغزو واحنا نعاني من الطراثيث ولكن في البداية ماكنا حاسين فيهم وهم يدخلون بيننا مثل المرض اللي ينتشر بالجسم مانحس فيه الا بعد ما يتمكن وهذا اللي صار تمكنوا ولقوا اصوات وناس تدافع عنهم وهذ اللي قوا شوكتهم، فحبوا يتمادون أكثر ويفرضون شريعتهم وقوانينهم علينا وهي شريعة الغابة وقانونها سهل وبسيط وهو يا انك تكون معاي وتوافقني رايي وتساعدني في اللي اسويه مهما كان صح أو غلط ياما اشيلك من طريجي حتى لوكان هذا يكلفك حياتك، وهذا اللي صار مع الجويهل مايعرفون يناقشون ولا عندهم خبره في فنون الحوار قاموا واعتدوا عليه بالضرب بنية قتله والدليل انهم كانوا يبون يقتلونه ما سمعناه من التصوير يوم الحادثة.


انا اقول الجويهل غلطان نعم غلطان لأن لبى الدعوة لحضور الندوة وظن انه بروح حق ناس لازالوا كما يدعون انهم متمسكين بعادات الكويت واهلها بل عادات العرب جميعا واللي هي بكل بساطه تقول طالما الرجل ضيف عندي وفي بيتي فهو في حمايتي حتى لوكان غلطان في حقي وظنونك يابودعيج ماهي بمحلها للأسف، انت رحت وحضرت لكنهم مبيتين النية لك ولا من وين طلعت العصي والصاعق انا اللي اعرفه انه الواحد لما يروح ندوة ياخذ معاه ورقة وقلم علشان يسجل ملاحظات آلة تسجيل عشان التطور لكن ياخذ معاه عجره او صاعق كهربائي أول مره اسمع فيها، وفوق هذا كله وهو ما استنكره جميع الناس من مؤيدين ومعارضين للجويهل انه بعد ماتم الاعتداء عليه بدل ماتوقف الندوة يا السعدون ياصاحب الديوانية وتقوم وتسوي أقل مايمكنك فعله وتاخذ الريال أو حتى تطل عليه أو تركب معاه سيارة الاسعاف لو توصل معاه الى باب الطوارئ ، تقوم تكمل ندوتك مع حلفاءك بكل دم بارد، صدق لمن قال السيد/طلال السعيد في قناة سكوب لو الغيت الندوة ورحت مع الجويهل كان في ناس حبتك وكرهت الجويهل لكنك تصرفت وكانك شريك بهذا الفعل انت ومن معك من أعضاء مجلس الأمة اشلون تبون الشعب يأتمنكم على نفسه اشلون تبونه نثق فيكم والا صج نسيت احنا مانهمكم انتوا يهمونكم الطراثيث اللي قاموا بالواجب مع الريال، ممكن تقولون يا نواب يا محترمين اللي كنتوا موجودين بالندوة اشبينكم وبين الجويهل؟ ليش هذا العداء معاه؟ أهو تكلم عن مزدوجي الجنسية وهذي ماده في الدستور الكويتي اللي قاعدين تدافعون عنه ليش معارضين هالمادة؟ هل في بينكم يانواب من يحمل جنسية غير الجنسية الكويتية؟ علمونا، شنو سوالكم الجويهل سبكم ؟ القضاء موجود واللي له حق بياخذه، غلط عليكم ؟ انتوا ماقصرتوا فيه في تجمعاتكم وماخليتوا كلمة الا وقلتوها عليه، لكن اهو لجأ للقضاء لأن يؤمن بأن احنا نعيش في دولة يحكمها القانون.

والحين يا اخون اللي صار حق محمد الجويهل ممكن يصير لأي شخص يعارضهم هل راح نوقف ونشاهد؟ ولما يلجأ الجويهل الى القضاء هل راح ننتظر ان يجتمع المجلس ليصوت على رفع الحصانة عنهم؟ اهم الندوة اللي سووها وقالوا الدستور وحماية الدستور وكل هذه البهرجة علشان الحكومة طلبت رفع الحصانة عن فيصل المسلم عاد هذا سالفته سالفه ياخي انت واثق من نفسك ارفع الحصانة وواجه مو تروح لي قناة الجزيرة تتشكى بس زين يسوون فيك اللي دقوا وبالذات المصري اللي مارديت عليه ولا سكته المذيعه ردت عليه وانت لا انا مالي خلق اتلكم عن سالفة المسلم، لكن أتمنى انه موضوع الاعتداء على محمد الجويهل مايعدي على خير ولازم الجاني ياخذ اقصى العقوبات حتى يكون عبرة لكل من يحاول أن يفرض شريعة الغابة ويغتصب الديموقراطية ويكمم الأفواه واذكركم احنا بالكويت بلد الحريات ديننا الاسلام دين السماحة وتحت راية حكامنه الصباح الله يعزهم اهم اللي اعطونا حرية التعبير عن الراي فيجب ان نحترم هذه الحرية ونستخدمها في مصلحة بلدنا .


هذه سالفتي اليوم وما أقول الا حفظ الله الكويت وشعبها من كل مكروه في ظل والدنا صاحب السمو الشيخ صباح الأحمد الصباح وولي عهده الأمين سمو الشيخ نواف الاحمد الصباح والحكومة الرشيده بقيادة سمو الشيخ ناصر المحمد الصباح
وكل عام هجري وانتم بخير ......

أرحلـــــــــــــــــــوا جميـــــــــــــــــــــــعا
 






هناك 18 تعليقًا:

  1. اخوي الله يهديك .. اقصاك فيلجاوي مع احترامي لك .. يعني بالنسبة للجويهل انت طرثوث ايراني او كاولي .. بتقص على روحك وتسوي فيها ولد السور الثالث يا عمري انت ؟

    الظاهر شايف دعوته لاهل فيلجا و قمت تناقز .. لا تشد حيلك يرحم والدينك ..

    البدو اليوم اهم الهدف مو لإن منهم الهجمي و منهم القبلي و منهم المتطرف .. لا لإن اليوم الغاية والمصلحة قضت ان تنقرص اذانيهم .. و باجر لي وقفت الغاية ضدنا راح يينا الي يلوت اذانينا نفس ما صار مع البدو ..

    الجويهل الي شاد حيله ومسوي فيها انا مع اهل الكويت .. قبل جم سنة يسب الفضاله وهو من اهل الكويت الاصيلين بمقره بخيطان لمصلحته .. واليوم لمصلحته يسب الغانم والملا .. وكلهم اهل الكويت الي ظفر واحد فيهم يسوى الجويهل ..

    الله يستر عليك .. احذف التعليق بس خل توصلك الرساله ..

    ردحذف
  2. الى غير معرف : أختي الله يهديك انتي بس خليني اول شي اعطيك درس تاريخ جزيرة فيلكا من أول ماصارت تأسست الكويت وهي تابعة لها يعني جزيرة كويتية وسكانها كويتيين جنسيتهم أولى مو طراثيث مثل ماتقولين الفيلكاوية معروفين عند كل أهل الكويت انهم كويتيين أصيليين، وبالنسبة حق اصولهم حالهم حال الكويتيين، ثانيا ياريت قبل ما تتكلمين باي موضوع الا بعد ماتفهمينه عدل الجويهل ما هاجم البدو أو الحضر أو القبائل أو اي فئه أو طائفة بالكويت، الجويهل هاجم مزدوجين الجنسية ومزدوج الجنسية خليني اعرف لك اياه هو الشخص اللذي يحمل جنسيتين لبلدين في وقت واحد، وهؤلاء مخالفين للقانون وطبقا للقانون تسحب الجنسية الكويتية منهم اذن هو مايهاجم اصول الأشخاص ولا عائلاتهم ولا قبائلهم وانما هاجم مخالفين القانون ومن يتستر عليهم. أوكي انتي قلتي في كلامك ( باجر لي وقفت الغاية ضدنا راح يينا الي يلوت اذانينا نفس ما صار مع البدو) وجمعتيني معاك فراجاء قولي (ضدي)بدل (ضدنا) لأني انا واثق من نفسي بأن الجويهل ماراح يهاجمني ولا راح يتعرض لي لأني ماخالفت القانون ولا الدستور وانا أحمل الجنسية الأولى بالتأسيس واللي أخذتها من أبوي اللي أهو خذاها من أبوه وأجداده اللي نولدوا على هذه الارض، وولائي للكويت بس وماعندي جنسية لأي بلد ثاني ولا عندي ميول حتى في مشاعري لأي بلد غير الكويت لهذا السبب أنا اؤييد الجويهل وبشده في حربه ضد مزدوجي الجنسية لذلك لا تقولين الجويهل ضدنا الجويهل يمكن يكون ضدك لأن اللي حسيته من كلامك ان عندك ميول طرثوثية.
    الحين انسي الجويهل وحطي بداله واحد من أهلك وينطق في ندوة مثل ما صار حق الجويهل هل راح تسكين ؟
    روحي وقبل لاتقولين شي او تتكلمين عن شي خل يكون عندك ثقافة عن الموضوع واذا كنتي بتعبرين عن رايك خل يكون عندك شجاعة ولاتطلبين مني احذف التعليق لأن هذا يدل على عدم الثقة ، ولا تكتبين تحت أسماء مجهولة فهذا يدل على الخوف وهالشيين يدلون على انك مزدوجة أو ممن يدافع عنهم.
    في النهاية أحب اقول لك انه الفيلكاوية كلهم ينحطون تاج على الراس وهم ووقفوا حالهم حال كل الكويتيين الشرفاء واحفروا بيدهم الارض وساهمو في تعمير بلدهم الكويت.

    ردحذف
  3. يا بو قانون ليش تزعل وتطنقر وتقول اختي يا وخيتي ؟ ليش قلتلك الفيلجاوي يا عيمي يا كاولي ؟ يبا هذا الحق ليش تزعل منه ؟ بتسويلي الفيلجاوية عيال بطنها واصيلين ويو ويا العتوب ؟


    عالعموم دامك قانوني .. وتشجع القانون .. كان في شيخ بفيلجا ينقاله السرحان اذا يدك لحق عليه مع اني اشك ( واهو غير عن السرحان الاصيلين احفاد زيد السرحان ) مع انك ما تعرفهم ادري

    يوم وزعو جناسي عطى اغلب اهل الجزيرة جنسية ثانية تدري ليش ؟ لإنهم يتحجون عربي مكسر .. ومن شروط الجنسية اجادة اللغة العربية .. يعني طراثيث ولازم بو دعي يدوره عليهم حسب منطقك ونسحب جناسيهم و نردهم الفاو والبصره و عبادان و شيراز .. خوش مكس طرثوث مزفر :D


    فلا تشد حيلك وتلزق بعيال بطنها حبي وتعيش الوضع .. وتقولي اصولهم مثل اصول اهل الكويت ومادري شنو .. اهل الكويت ما يعطون الفيلجاوية ويناسبونهم .. لا تقص على روحك ..

    ردحذف
  4. والله انا مو زعلان انا اتقبل واحترم الرأي الآخر، وهذا يفيد الطرفين بس هم يا أختي الفاضلة خليني اصلح معلوماتك الشيخ اللي بفيلكا اهو ملا عبدالقادر السرحان وتوزيع الجناسي اللي توزعت مو أهو اللي وزعها وانما وزعت لبعض العوائل بشهادته وهذي العوائل اللي خذوا الجنسية الثانية وحصلوا عليها بعد ما تم توزيع الجنسية علينا واحنا حصلنا على الجنسية الاولى بالتاسيس، ياريت تسألين عن تاريخ جزيرة فيلكا أكثر واحنا الفيلكاوية مانتلزق بعيال بطنها لأن احنا ونتشرف نكون عيال بطنها، بس عفوا انتي منو؟ من وين؟ انا وبكل شجاعة حاط اسمي وافتخر واتشرف فيه وبأصلي، لكن انتي ليش خاشة اسمك وتكتبين تحت اسم مجهول ؟
    ولو سمحتي انا اذا عندك راي الموضوع اللي كاتبه حياك الله ماعندك ارجو انك ماتكتبين ولا تضيعيين وقتي في أمور النقاش فيها ما ينفع لانها حقائق وكل اهل الكويت يعرفونها

    ردحذف
  5. لا ما تقبل والدليل انك عصبت وقمت تغلط وتقول اختي ومادري شنو يوم كلمتك باسلوب عمك وقدوتك بو دعي .. الي اشوفك نحشت وما علقت على سالفته يوم يسب الفضاله والملا والغانم و قاعد ترقع وتلفت ..



    الملا السرحان معلوم .. و روح اسال يدك ليش وزع الجناسي الثانية قبل لا تخوره بالحجي .. واذا عبالك العيم والبوعرقش اهل فيلجا فانت صغير وما تنلام .. وشكلك تحمست مع بو دعي و توهقت

    عالعموم لا تدش ديوانية وتسولف بهالسوالف لا تندق على افاك و تطلع متفشل .. اعرف تاريخ ديرتك ولا تصير إمعه تمشي وتعيد حجي حثاله البشر و تعده تاريخ هالديره ..

    اما الشجاعه فماهي لك ولامثالك عشان احاجيك فيها .. فريح

    ردحذف
  6. انت تقول الجويهل ما سب الكويتين بس المزدوجين مسلم البراك هل هو مزدوج وثاني شي هل من عادات العرب انهم يسبون ويقذفون بالعراض وفي حريم الناس انت المفرض قايل مو عادات اهل الكويت لان اهل الكويت مو كلهم عرب وعلى فكره اذا تبيها بالاصل ترى الجويهل بيسري . واذا الجويهل ما يحارب الا المزدوجين شكو يجيب طاري صالح الملا في اخر حلقه طلع له في قناته وخلف دميثير . تدري حنا ليش ماراح نتطور ولاراح نعقل لانه كل يوم طالع واحد مثل الجويهل . انت تعرف بعائله الجويهل قبل لايطلع اكيد لا انا ما اشره على الجويهل انا اشره على الي يتحكم بالجويهل الي يوديه يمين ويسار تدري شنو المصيبه انه في ناس مصدقه هالفلم مثلك واكيد في غيرك انخدعوا فيه ممكن سؤال قضيه الزدوجين معروفه من زمان ليش الحكومه ساكته لان الحكومه ماتبي يعني الجويهل جايب شي جديد

    ردحذف
  7. غير معرف: لا والله انا ماعصبت، والدليل اني نشرت كل تعليق كتبته، وبعدين لما كلمتك وقلت لك أختي لأنك أول شي كاتب تحت أسم غير معروف وبعدين اسلوبك في أول تعليق كتبته حسيت انك بنت.
    تصحيح آخر انت قلت (الملاالسرحان معلوم) وهو اسمه الملا معروف عبدالقادر السرحان المهم اذا تبي اعطيك تاريخه وتاريخ أهل فيلكا، ثانيا انا في تعليقي السابق مانكرت اللي قلته عن اللي خذوا جنسية ثانية وفعلا في ناس تلزقوا باهل فيلكا وخذوا الجنسية الثانية وعلى فكرة هم في ناس من اهل فيلكا احصلوا على الثانية وكانوا يستحقون الاولى بس نتيجة مشاكل مافي داعي لذكرها، اما بالنسبة لي انا يدي رحمته الله عليه معروف بفيلكا وبامكانك تسال عن عبدالوهاب الحايك عاش في فيلكا وولده انتقل الكويت بحكم شغله من سنة 1948 وعياله اللي اهو ابوي واخوانه عاشوا بين الكويت وفيلكا،وكلنا عندنا الجنسية الكويتية الأولى وماعندنا غيرها، بعدين انا لما قلت اني من مؤيدي الجويهل في محاربة مزدوجي الجنسية، هل انت ترضى؟ ..أو قبل لا أسألك هذا السؤال انت ماجاوبتني على سؤالي انت منو؟ من وين؟ مزدوج؟ علشان أعرف مستوى اللي يكلمني،لأني بصراحة كل ما أحاول افهمك أني انا في مقالي هذا قاعد اتكلم في نقاط معينه، انت ترد علي وتقول لي اصولكم وانتوا جنسيتكم ثانية، ممكن تقول لي وتجاوبني : انت شنو أصلك؟ وهل تحمل جنسية مع الجنسية الكويتية؟ جاوبني علشان اقدر اوصل حق نتيجة معاك اما تتكلم ومسوي نفسك واحد من مؤرخين التاريخ الكويتي وثلاث ارباع معلوماتك غلط وذكر الاسماء غلط وياني تتفلسف، انت قبل لاتقول معلومة تاكد من صحتها لأنه شكلك من كلامك انت انطقيت على أفاك بالدواوين بحكم المعلومات اللي عندك. انا ما أقول الا الله يهديك وما علي لما تكبر وتتعلم وتفهم الكلام اللي احنا نقوله، نعال كلمني.

    ردحذف
  8. Fahadfa : اخوي، انا قلت بعد انه مسلم البراك ومن معاه عارضوا بشده تفعيل الماده 11 من قانون الجنسية، من أول ما طرحه النائب علي الراشد اذا كنت تذكر قبل مايتكلم فيه الجويهل، والحكومة ليش ساكته عن هالموضوع؟ هذا السؤال تسال فيه الحكومة. بس الحين خلنا نتكلم بمنطقية، انت كمواطن كويتي تحمل الجنسية الكويتية، هل ترضى ان يشاركك شخص يحمل الجنسية الكويتية وجنسية بلد آخر؟ اتمنى انك تقرا مقالتي كتبتها قبل سنة http://www.failakawy.com/2009/12/blog-post.html
    كتبت فيها عن اللي يحمل جنسيتين، ممكن تجاوبني على هذا السؤال بعد ما تقرا المقالة، وخلني احط المثال على نفسي لو انا احمل جنسية بلد وبسميه XX مع الجنسية الكويتية، وصارت حرب بي الكويت وXX ، تهقا مع منو المفروض اوقف؟ وهل انت راح تثق فيني اذا قلت لك انا مع الكويت؟

    ردحذف
  9. السلام عليكم
    والله يا جماعة احترموا نفسكم و ما يجوز تغلطون على اهلنا و عوايلنا
    فاذا كل واحد فكم بضرط بالاصول و السوالف ترا اساس الكويت مو من السور ولا شي كل الكويت من ٦٠ الف مكان. فاحترموا نفسكم و عيب الغلط و بعدين احنا الفيلجاوية كلنا جناسي اولى تأسيس و اذا ما تعرف شي عن اهل فيلجا لا تالف على روسنا و بعدين اهل فيلجا مو بس من ايران يا شقول روح دور كتاب اصول اهالي فيلكا و تعلم. و بعدين يكفي احنا ولاءنا لهذي الديرة ما انتوا.... استغفر الله العظيم
    ما يصير تغلطون عشان واحد يبي يكتب رأيه احترموا نفسكم تبون تعلقون عن الموضوع علقوا تبون تغلطون لا يا جماعة مو عندنا روحوا برا غلطوا على كيفكم

    الفيلجاوي

    ردحذف
  10. غير معرف (الفيلجاوي): مشكور أخوي كفيت ووفيت

    ردحذف
  11. لو مو معصب جان ما قلت اختي بأسلوب يبين معدنك ونمونتك بس ما عليه متعودين على هالاسلوب من اشكالك .. وما عليك شرهه

    الملا السرحان معلوم يعني معروف عند الناس مو معلوم اسمه !! .. بس تبي تتصيد عشان ترفع بجوك وتقص على روحك ؟؟ تاريخ اهل فيلجا معروف حبي لا تعيش الوضع وتقولي ايكاروس ويدي يوناني واحنا بالكويت من 4000 سنه .. محد اهانهم او تطرق لهم والنعم فيهم كلهم .. انا تطرقت لفيلجاويتك نفس ما تطرق الجويهل اسدك لاصول الناس و طعن فيها وكلمتك بأسلوبه و هذا انت زعلت .. وسألتك من متى الفيلجاوية ينعدون اهل الديره مثل ما عمك بو دعيي يصنف ان هذا من اهل الكويت وذاك لا و هالقبيله كويتية والقبيله كلها طراثيث .. فليش ما تبي الناس تزعل وتحمق لي تعرض لها عمك و تعرض لأعراضها مثل ما طنقرت انت ؟؟؟ الا اذا عاد اذا عايش الوضع ومصدق هالحجي فهني لنا حجي ثاني ..

    سالفة الجنسية الثانية ما حطيتها انتقاص منك او من غيرك من اهل فيلجا و ما يعيب احد جنسيته ثانية او غيره .. وما قلت كل اهل فيلجا جنسية ثانية فلا تنحول او لا تجذب واقرا عدل .. حطيتها لك كمثال على مخالفتهم لقانون الجنسية الي ما ينطبق عليهم لإنهم ما يتكلمون عربي و ما يجوز تجنيسهم و حال هالشي من حال الازدواجية .. فليش ازدواجية المعايير ؟ ليش ما يبت طاريهم وليش ما تهاجمهم مثل ما تهاجم المزدوجين ؟

    بالنسبة للازدواجية فأنا ضدها ولا بردي شي يخالفها علشان تييب طاريها و بالعكس عسى تنسحب جنسية كل مزدوج .. لكن ردي لك معلق على اسلوبك الي قاعد تهاجم فيه مؤيدي البراك الي هو أصيل وولد الديره وماهو مزدوج و تصف كل مؤيدينه بالطراثيث والي اكيد مو كلهم مزدوجين .. و كلامك واضح انك تقصد البدو الي اكيد يشرفونك وتاج على راسك انت وكل واحد يتكلم باسلوبك الزفر العنصري الي يمكن يكون له اسباب طائفية .. فقلت لك الطق اليوم على البدو باجر عليك انت .. و الجويهل ماهو الا مسير مو مخير ..

    اما سؤال شصلك .. انت الي شصلك ؟ انت عاد فيلجا اصل يعني ؟ الله يستر عليك .. و عموما جنسيتي واصلي حاشمهم ومحترمهم واعرف شلون ارد على من يمسهم بشعره .. وما ارضى احد يتحجى فيهم مثل ما انت رضيت على روحك و قمت تغلط على الناس وانت الي نسبت روحك لمكان وجزيره وقاعد تغلط على خلق الله وتصنفهم هذا طرثوث وهذا زعطوط !! وآخرتها نفس عمك بو دعي رديت قري واقريت ان في فيلجاوية جناسي ثانية .. واتحداك ان تنكر سالفة الملا السرحان ..

    نقطة اخيره .. ليش ما يبت طاري سالفة الفضاله قبل لا يطلع لنا بسالفة الازدواجية و الغانم والملا الحين؟ و ضيف عليهم ليش ما تحجى عن عمك وتاج راسك انت و الجويهل احمد السعدون يوم يطعن النكره معزبك باصله ويقول السعدون عراقي في معلومة تبين مقدار معرفته بأصول اهل الكويت ؟

    الفيلجاوي الثاني .. ريح شوي

    ردحذف
  12. غير معرف: والله العظيم انك مسكين، الحين انت مولع ومعصب وتبي تفهمني اني انا معصب، انا اكبر دليل اني مو معصب اني نشرت تعليقاتك كلها اللي قاعد تغلط علي وعلى اهلي وانا ما رديت عليك لأني واثق من نفسي واهلي مربيني، وبعدين ليش معصب علشان قلت لك أختي يبا انا قلت لك انت موكاتب اسمك واسلوبك باول تعليق اسلوب بنت تقول لي (يا عمري انت...)وتعليقك الثاني (حبي) مادري ما اعتقد في رياييل يكتبون بهذا الأسلوب، وبعدين اشفيك رديت بكلامك مو هذا كلامك ( يوم وزعو جناسي عطى اغلب اهل الجزيرة جنسية ثانية تدري ليش ؟ لإنهم يتحجون عربي مكسر .. ومن شروط الجنسية اجادة اللغة العربية .. يعني طراثيث ولازم بو دعي يدوره عليهم حسب منطقك ونسحب جناسيهم و نردهم الفاو والبصره و عبادان و شيراز .. خوش مكس طرثوث مزفر ) ليش تنكره؟ انت قلت أغلب أهل فيلجا جنسية ثانية وانا قلت لك لا أغلبهم جنسية أولى، اما بالنسبة للبراك وربعه انا سالت ليش اهم ضد قانون ازدواجية الجنسية، في أحد منهم مزدوج أو أحد من أهلهم ؟ والمؤيدين لهم نفس الشي ليش يدافعون عنهم؟ وبعدين انا ماقصدت البدو انا قصدت المزدوجين بدو وحضر وشيعة وسنه ماقصدت احد معين وماغلطت على أحد، بالعكس انت اللي قاعد تغلط من البداية، وانا قلت لك مانكرت انه في من الفيلجاوية عندهم جنسية ثانية، واذا كان فيهم مزدوجي جنسية انا اول واحد أعارضهم، وبعدين هذا رابع تعليق حقك وللحين ماجاوبتني لما سألتك عن أصلي كانت اجابتك (و عموما جنسيتي واصلي حاشمهم ومحترمهم واعرف شلون ارد على من يمسهم بشعره .. وما ارضى احد يتحجى فيهم) بس ماقلت لي مثل ما أنا قلت لك عن نفسي، بس انا انا عرفته وعرفت توجهاتك من اسلوبك وطريقة كلامك، على العموم هذا آخر رد لك لاني ما أقدر انزل بمستواي أكثر جذي، يكفي اني خليت القراء وزوار المدونة يعرفون اسلوب ومستوى العنصريين والمتسلقين امثالك من اللي يقرا له كلمتين في الجريده يظن انه اهو صار أديب زمانه.
    وفي النهاية شكر خاص حقك لانك ونست زوار المدونة وخليتني اتسلى عليك في عطلة نهاية الأسبوع......تحياتي
    فيلجاوي ابن الكويت اللي ولاءه للكويت ولا لغيرها

    ردحذف
  13. ياناس أشفيكم عسى ما الواحد يعبر عن رأيه شبيتوا عليه جنكم جباريت وبعدين أشفيك داش على الريال بمدونته وقاعد تغلط عليه وعلى أهله يبا الفيلجاوية غصبن على خشمك كويتيين أصيليين وعمرهم ما كان ولاءهم لغير الكويت والفيلجاوية وكلنا الكويتيين نتشرف انه فيهم أهل فيلجا ناس معروفين بالطيبة والدليل يا خوي انه الريال ساكت عنك مو قاعد يغلط عليك فاحترم نفسك واسكت وإذا عندك كلام زايد روح مدونات ربعك واكتب خرابيطك فيها أو سو لك مدونة إذا تعرف، وبعدين مالك شغل فينا كل ساعة يايب اسمنا بالموضوع تقول له الملا والغانم والفضالة هدي عوايل محترمة ولا تدخلها بكلامك والفيلجاوي محترم عارف أسلوبك خلاص سكروا الموضوع، ويا الفيلكاوي حبيبي لا ترد عليه تكفا وأنت مكانتك ومكانة أهل فيلجا معروفه عند أهل الكويت أنا ماحبيت أشارك بس لما شفته الأخ ياب اسم عايلتنا أكثر من مره قلت اتذخل ويعطيك العافية وعساك على القوة .

    ردحذف
  14. يعطيك العافية وما عندي أي تعليق عقب وعائلتك وكل عوائل الكويت الكرام ينحظون على الراس

    ردحذف
  15. الحمدلله انه خلقني كويتي وفلجاوي(يا دنيا اعذريني فيلجا تناديني)

    ردحذف
  16. فيلجاوي وافتخر والي مو عاجبه ينظم وينتحرالأربعاء, 09 فبراير, 2011

    الحمدلله انه خلقني كويتي وفلجاوي(يادنيا اعذريني فيلجا تناديني)

    ردحذف
  17. فيلجاوي وافتخر والي مو عاجبه ينظم وينتحرالأربعاء, 09 فبراير, 2011

    ةالحمدلله انه خلقني كويتي وفلجاوي(يادنيا اعذريني فيلجا تناديني)

    ردحذف
  18. منو الي يقول عنا طراثيث ايرانيين وكواوله اقوول ماكواوله الا اهلك ياحبيبي .. فيك نقص بالاصل ؟! كااااك .. روح دور عن أصلك يالحلو .. ويقول تتلصقون بعيال بطنها ؟! لا احنا من عيال حلجها شتبي عندك اعتراض لاسمح الله ؟ يالمتخلف @@ ويقول حجينا مكسر ؟! لا حجينا مو مكسر حجينا سروال وفنيله !!؟ هههه .. اصلاً محد يتكلم الحجي الاولي كثر الفيلجاويه ياولد بطنها

    ردحذف