bravenet

الثلاثاء، 30 مارس، 2010

برنامج اعادة هيكلة القوى العاملة ودعم (هدم) العمالة الوطنية



اليوم موضوعي مرتبط بموضوع قديم كتبته قبل هالمرة تحت عنوان


       تذكرون أخونا اللي كان يعاني منهم المهم دق علي أمس وقال لي انه مثل ماقال لي المرة اللي طافت انه راتب شهر مارس بيتأخر وفعلا بعد السؤال والبحث اكتشفت انه الراتب فعلا مثل ماقال اخونا بيتأخر لغاية 10 أبريل والسبب الميزانية، انا متأكد انه كثير من اللي يشتغلون بالقطاع الخاص يعانون مثل اخونا خصوصا في شهر مارس من كل سنة، أولا حطو في عين الاعتبار انه استلمنا رواتب شهر فبراير مبكر يعني شهر مارس يكون طويل ويتأخر راتب دعم العمالة بعد هذه مصيبة، طبعا البعض يقول انه مومشكلة اذا تأخر الراتب يقزر براتب الشركة على ماينزل راتبه من دعم العمالة وأنا أرد وأقول كلامكم صحيح بس المشكلة وأتمنى المسؤولين بدعم العمالة  يعرفون هذه النقطة المشكلة انه بعض البنوك تقوم يحجز راتب الموظف لأنه عنده قرض ومايقدر يتصرف بحسابه الا بعد ماينزل راتب دعم العمالة أولا مانعرف شنو ظروف الناس وشنو التزاماتهم ولا تنسون شنو يترتب على هذا التأخير في بعض الشركات التمويلية تفرض رسوم على التأخير بسداد القسط وغير هذا.

        انا عندي سؤال الحين هدم أقصد دعم العمالة مو هيئة حكومية ؟ كل الوزارات والهيئات الحكومية عندها ميزانية كل سنة، عمرها ماتأخرت في صرف الرواتب اشمعنى دعم العمالة ؟ حتى الشركات في القطاع الخاص ماتتأخر في صرف رواتب الموظفين، ياجماعة حرام عليكم انتوا جهاز حكومي لحماية الموظفين في القطاع الخاص.

ومشكورين