سالفتي اليوم بسيطة أمس الجمعة 12/03/2010 كنت رايح ازور بعض الأقرباء في أحدى مناطق الكويت اللي على الدائري السادس ومريت يم دوار كان جميل لأن مزروع بصراحة تمنيت كل الدواوير بكل مناطق الكويت تكون مزروعة لما يعطي من جمال لشوارع المنطقة، وبعدي ماخلصت من كلمتي وكأني حسدت نفسي بنفسي تفاجأت انه شخص قاعد بوسط الدوار .
عادي مافيها شي، يمكن ما عنده حديقة ببيتهم واعجبه منظر الدوار وحب يعقد شوي لكن بعد التدقيق لقيت يمه خروف الأخ يايب خروفه يرعى بالدوار الحبيب مايبي يشتري جت مستغليه ومخلي الخروف ياكل الزرع اللي بالدواوير .
على فكرة هذا مثال واحد، وانا ادري انه الكثير منكم شاف مثل هذي المناظر في مناطق الكويت، ليش الحكومة تزين المناطق أو حتى لو سكان المنطقة متبرعين ومزينيين منطقتهم، تيي حضرتك وتييب خروفك ولا غنمك وتخليهم يرعون وتخرب المكان وتضيع تعب هالناس ما أقول الا.................
واترك التعليق لكم.....أعتذر عن رداءة الصورة لأني خذيتها بسرعة
ومنا الى المسؤولين في وزارة الصحة :
في مستشفى مبارك الدور الثاني جناح 5 غرفة 8 خصوصي، وصلني خبر بأن هذي الغرفة مقفولة طول الوقت وتنفتح الا اذا أحد أقرباء مدير المستشفى صار المريض، والناس بالعمومي مساكين كل يسألون عن غرفة خصوصي قالولهم ماكو بالدور، ياليت يتمم التحقق في هذا الأمر واتمنى يكون غلط.
ليست هناك تعليقات:
إرسال تعليق