bravenet

الأربعاء، 9 ديسمبر، 2009

ديربي مجلس الأمة






شنو قاعد يصير بالكويت، شالسالفة أربع استجوابات بيوم واحد !



أي ديموقراطية قاعدين نعيشها ياجماعة، انا بصراحة ماراح أتكلم عن الاستجوابات ولكن راح اتكلم عن انتصار ديموقراطي صار اليوم، اللي يوم صار تطبيق للديموقراطية بشكلها الصحيح، اليوم الكويت دخلت التاريخ كونها أول دولة على مستوى الوطن العربي يصعد رئيس وزراءها منصة الاستجواب، نعم هذي الديموقراطية بالإضافة الى استجواب وزيرين لأهم وزارتين وهي الداخلية والدفاع.


عطوني في أي دولة عربية تم استجواب رئيس الوزراء ؟ قولوا لي عمركم سمعتوا انه تم استجواب وزير من الأسرة الحاكمة في بلد، أحنا اليوم في الكويت تم استجواب أربع وزراء ثلاثة منهم من الأسرة الحاكمة، طبعا اللي صار يخلينا نيقن ان احنا عايشين في بلد الحريات.


نيي حق الجانب الثاني بصراحة يانوابنا الاعزاء عموما والمستجوبين خصوصا لازم تعترفون اليوم انه شيوخنا معطينكم ويه زيادة عن اللزوم، ومدلعينكم وايد، ونتوا زودتوها تونا قايلين بسم الله وانتوا بديتوا بالاستجوابات، كأنكم تشترون المشاكل وتدورنها دواره ليش ؟ .


قريت مقالة في جريدة الوطن للأستاذ فؤاد الهاشم بعنوان
ياريت نوابنا يشوفون الفرق بين شيوخنا والشيوخ في الدول المجاورة.


سالفتي ماخلصت ومقالتي القادمة بإذن الله راح نتكلم عن الاستجوابات بشكل مفصل.